My Secret

好開心呀,,今日知道左一個好消息..

就係Phyllis佢做埋今日就唔做啦,,我真係好開心a...

因為佢地ge小圈子又會少左一個人...惡勢力又會減去左好多..

至於果個Tina,,佢呢排成日番夜更,,好少見到佢lu,,又係一大樂事...

最好ge就係宜家食lunch有linda同caroline佢地過黎陪我一齊食~~

一係開心好多..不過唔知佢係唔係真係會出糧比我ge呢...

好驚佢唔出糧a,,,唔出就真係白做..

不過如果佢出ge話,,今個月一定過五千,,差不多六千我諗,,快 d 出啦,,,

唔好好似渡假屋果邊咁衰,,拖我成六個月糧到宜家都未出...

最後,,我要多謝一個人,,就係michael啦~~

真係多謝您a~~有您容忍我同關心我,,我真係好開心...

我都要訓啦~~明天要 print埋 d 成績表....

今日放假..訓到成十二點,,,真係好開心,,

好耐都未試過訓咁耐啦,,,之後本來約左同sandy一齊出大陸ga...

sandy係澳洲番左黎啦,,所以就諗住請佢食下飯同陪佢睇下野啦..

點知佢臨時打黎話要電頭髮,,,要改約三點...

唔緊要啦,,,咁我就陪左佢電頭髮先啦,,,反正我都無野做..

見到佢電頭髮,,我真係好羨慕a,,佢 d 頭髮真係長左好多,,,

而我就因為上次電焦左頭髮,,所以剪左成20 cm,,

諗番起真係好心痛..快 d 長啦,,,下一個就到我電ga啦~~

之後同佢出左去快樂屋食野...真係食到好飽,,

我叫得太多野啦..之後我地就去左打機~~

後尾去行街,,,佢買左好多野a,,我就咩都無買~~

之後就好無聊咁走左啦,,

番到澳門,,我就去左 yellow 睇番工衫,,,睇睇下,,真係好悶,,

又醒起 linda放左工~~所以我就打比佢..叫埋佢一齊睇啦..

睇左好耐,,又買左件衫啦,,29蚊咋~~明天又可以著番工啦,,,

之後真係好開心,,,因為落雨ge關係,,我同linda周圍行,,好似係度遊街咁..

不過真係超開心~~~keke~~多謝您a,,linda~~

我都要訓啦,,好眼訓,,,我快要單身啦,,,朋友...單身人士快樂~~

真係好累a...差唔多朝朝都係番九點..日日都覺得好眼訓..

可能真係太早起身啦...好采明天終於放假啦...可以晚少少起身..

所以宜家即刻打埋個日記先...

宜家番工,,真係開心左..唔係因為 d 同事好左..佢地都係咁衰..

我開心係因為我每日都會好期待 linda 同 caroline過黎搵埋我一齊食中午飯...

同自己 d 朋友食飯真係開心好多ga..講咩都得...佢地又唔怕唔理我...

至於我ge同事..我呢排都懶得理佢地...自己做自己野...唔識先問佢地,,

不過我呢排真係講少左好多野,,因為我喉嚨有 d 事...

如果嚴重ge就要做手術,,所以我呢排都出少左好多聲,,

講野都細聲左好多...因為真係好驚要做手術...

宜家睇下佢好唔好先,,好番就ok,,唔好就慘啦...

今日番工,,真係好慘...我要係金沙果邊送 d 野過珠光大廈..

最衰我又唔識路,,,行左成半個鐘先搵到,,

熱到我爆,,,又曬,,,又大風..吹到我個頭成個癲婆咁,,,

我買左部新電話a,,,係k810i,,我都幾鍾意,,

因為係 sony ericsson,,可以入好多 game入去玩~~keke

我最like就係打機ga啦~~

宜家都要快 d 訓啦...因為 sandy 係澳洲番左黎,,,

我同佢明天約左一齊去大陸~~keke,,都好耐無見過佢啦...

唔知佢宜家變成點呢..係唔係都好似我一樣咁嬌艷動人呢~~keke

我 d 頭髮快 d 長啦,,,咁我就可以快點電番卷佢~~宜家我暫定會九月電~~

明天我都要去買多幾件番工衫啦,,,我都唔想成日都著果幾件番工~~

至於 michael,,,其實我真係好唔like您去釣魚,,,

不過我同您講您都唔會聽ga啦,,,只會日日係度問去唔去得,,,真係好煩...

您自己咁大個人識諗ga啦,,,唔該唔好成日當我發up瘋....

至於mandy,,,您唔駛多謝我~~我都係幫您地交form姐~~有機會一齊衝落海啦....

今日番工都幾開心~~時間過得超快...又學多左幾樣野~~

今日中午食左個好正ge火雞芝士三明治..好正a~~又食左一大碟意粉...

死啦..我一定又會暴肥啦...

之後今日放左工,,我就揸車番屋企啦..點知永利竟然打比我,,

佢同我講我 d 糧得左啦..可以番去wynn出番...

真係難以置信..果間野竟然咁快出番 d 糧比我...

我原本仲以為佢一定會拖我最少兩三個月..咁快出真係開心...

點知佢竟然出少左百六蚊比我呀..不過算啦...出得準糧ge就唔係wynn啦...

不過出左先都係得果七百蚊....唉~~

之後我就去左 yellow 同 easy 睇下 d 番工衫..

又比我買左兩件平平地又斯文ge番工衫~~39蚊一件咋..兩件80蚊都唔駛...

明天又有新衫著番工~keke~~

之後又同左 Michael去左金都食buffet..我琴日先去食完咋~~今日又去過~ke

真係越黎越肥啦...

明天一定要記得幫amy同mandy攞份sands ge 申請表..

如果唔係mandy一定會殺左我ga~~

希望明天一切順順利利啦~~

之後夜晚又要去sands ge 慶功宴..慶祝果日員工週年晚會成功wow~~

其實我超唔想去..不過上司叫到唔去又唔好意思...唔緊要啦..

宜家頭髮咁短..都無咩心情~~唉...怏點長番啦~

同埋a~~渡假屋好快 d 出番糧比我啦~~

好累a~~都要訓啦...唔係爛面唔會好ga啦...

宜家仲爛緊面..所以心情都係差..差...差........

快 d 好番啦~~~~

日日都要番工...朝九晚四...呢樣都唔係最慘..

最慘就係 d 同事都唔係太好人...唉...

對住佢地真係慘..

果個 Phillis ..以為自己做左三個月就好叻咁..成日罷住張chair自己坐...

大佬..其他人都累ga..人地都想坐ga..駛唔駛咁蝦 d 新人呀...

當正自己係大家姐..

態度又唔好wow..又吋...又唔教人野...但佢連英文都唔識講!!!!

至於果個 Tina ....係一樣咁衰ga啦..自己無料..又要扮大家姐..勁...

佢寫ge全部英文字都串錯晒...唉..番去讀多十年中學先再黎做啦..

又係成日罷住張chair坐..自私都死...又成日懶係野...假到死..

至於果個Kit...我真係見到佢就憎...我未見過 d 男人好似佢個格咁衰ga..

佢都係新入職..仲遲過我..但竟然成日懶係野咁..扮咩都識..

又搶人地ge野黎做..自己錯仲話番我轉頭...真係超唔掂....

有時真係好唔想對住佢地a...

不過唔緊要啦...有 d 同事都好好人ge...我要繼續比心機a..

只要我學識晒我要做ge野..我就唔駛再睇佢地面色ga啦...

快 d 出糧就好啦...真係無咩錢...

渡假屋拖左我六個月糧..wynn又未出番我ge糧比我..真係想死...

好想快 d 買過部電話同買個coach呀..不過又未有時間過hk睇wow...

九月三又要考車啦...我學都未學過...點算好呀...

睇黎都要比 d 心機先得啦...

我都要快 d 影印埋成績表啦..因為又要交去比獎學金果度啦..

今年成績咁差..唔知佢仲比唔比獎學金我呢..keke~~

唉...剛剛起身~~宜家就要打日記啦..

琴日番左sands個員工party度幫手...由朝八點半做到夜晚兩點半...

真係人都癲...加上我同果度ge同事都無咩野講..悶到我死...

不過琴日狂食野,,,佢total有三場party,,我每場都入去食到飽先出黎...keke

唉..睇黎果度ge同事ge小圈子都幾勁下...不過唔緊要啦...

我有我自在,,我做好本分就好...唔埋堆啦...

我GE上司都ok ge..總之我只要安守本份就好啦...

不過最開心就係sands請左香港ge喬寶寶做表演嘉賓..佢好nice ga~~

我係化妝室都同佢傾左陣..佢超friendly,,又攪笑..仲送左兩張簽名相比我.~~keke

之後個活動end左,,我攞左張百佳ge一百蚊現金卷..仲有兩把金沙遮..都幾靚ga..

等陣都約左maggie出大陸,,之後就同佢同philip一齊食飯~~keke~~

唉~~明天又要番九點啦~~宜家都要著定衫先啦...

好唔好開心a.....我爛面a~~~~成日都係咁...

要快點好番先得ga~~我呢個氣質美女真係容忍唔到自己爛面...

攪到我工都唔想番~~~今晚都要諗下明天著咩衫先~~

唉...今朝一早起身...飛車番黑沙渡假屋..

個感覺真係幾正...不過真係好危險a...明天我又要飛車番去啦...超大風..

不過我都係開得好快..因為好正...希望我唔好衝落橋啦...

點算a...繼上次爛面好番之後..我又開始爛面啦...唉...

好唔開心a...一考完試又肥番好多啦...剛剛仲食完Mcdonald's...

死啦..自從知道自己pass左exam之後..我日日都係度狂食..

宜家又爛面又肥左..好想死a....

明天番到渡假屋一定又好悶..唔知明天邊個做我partner...

今日maggie做我partner我真係好開心...

我地兩個八婆傾左成日又玩左成日...超開心...

之後同左linda去買野...真係好累a..最開心就係買左本伊索寓言全集..

我呢個氣質美女最鐘意就係睇有氣質ge書...keke..

宜家都要訓啦..明天番早~~~

今日真係好累a~~一早去金沙簽約..簽完就即刻要開工...

為左今日番工..我琴日等登去買左件OL衫仔~~太斯文啦~~同我都唔係太合..keke

好慘a..今日訓得四個鐘都唔夠就要番工,.可能係太緊張啦..夜晚訓黎訓去都訓唔著..

第一日番工...真係好緊張,,自己好似咩都幫唔到手...咩都唔識做..唉..

太多野要記啦...一時都唔知可以做咩..因為自己真係咩都唔識...

覺得自己好無用a....快點學識就好啦..至少可以幫得上忙...

好彩個部門GE同事都OK,,,雖然係有少少小圈子GE感覺,,不過唔緊要啦..

只要唔好多是非就好啦...講開佢GE canteen,,,

講真..比較起來..wynn同sands,,真係wynn好好多倍..

不過算啦....sands都算係咁ga啦...比好多hotel都好好多..

不過我宜家最驚ge就係我ge人工..因為我宜家仲未有員工咭..

又未可以打咭住,,而且番工我都唔知自己放幾點..佢叫我走我先走...

所以我好驚佢會計唔盡我ge糧...希望唔好啦...快點到月尾啦,,快點出糧..

明天一早我又要番渡假屋...真係想死,,,

又拖我地糧,,成六個月啦..但又要我地番工..唉....

我明天又要揸我架烈火戰車飛過路環番工,,希望唔好落雨啦..唔係就死得..

我宜家都要快點訓啦...唔係明天就起唔到身ga啦~~

係我打今日ge日記之前,,先覆一覆我ge支持者ge留言先~~keke

To May: 我都知一見到書就煩ga啦~~我又何嘗唔係le~~我都唔想讀a~~唔係a~~咁恐怖...一出街就有槍擊案...我都想睇下~~您放心啦..邊有咁易射得中您a~~唔通您未聽過紅顏簿命~~您既然都唔係紅顏..又點會比人射中呢~~keke~~好似我就真係要小心啦~~因為個天時時刻刻都嫉妒我ge美~~~哈哈..您a要日日睇我個blog先得ga~~我日日都會打ga~~衰婆

To Amy: 係啦係啦€~~知您乖啦~~日日睇我個blog~~搵日出黎錫啖您又點話~~一啖唔夠兩啖都得ga~~keke

To Richard: 多謝您睇我個blog a~~不槐係我好兄弟~~keke
---------------------------------------------

今朝一早揸車去攞行為紙...真係激死我..

揸揸下無端端落大雨...攪到我成身濕晒..唔通上天真係嫉妒我ge美..keke

之後去到攪行為紙..又等等等等左成個半鐘..

咁我當然邊等邊訓啦...不過旁邊ge人都好似以為我係癲ge~~

咩wow...訓下覺都唔得咩...

之後就去左永利正式攪辭職手續...終於脫離左永利啦...

今日去比番所有制服同員工證比佢..唉.原來我仲要等一排佢先會出番糧比我..

佢話要等個人事部計番先通知我..咁死得啦..都唔知會唔會十年後先搵我...

之後就去左大陸啦~~食左味千拉面~~

真係好笑lor~~我入去食野就叫左杯凍檸樂..佢同我講要加兩蚊..

我話好a~~ok...無問題~~點知真係好攪笑..

杯野黎到..我問佢檸檬呢...佢話有啦..( 指住杯邊用黎做裝飾果塊檸檬 )

咁我當然唔制啦...就同佢講呢杯唔係檸樂黎ga..係可樂...

於是佢先好唔願意咁攞多左兩塊檸檬比我...(無奈a)

之後買左對白色ge著出街ge拖鞋~~因為實在太熱啦..著波鞋出街真係會好熱ga~~

之後就去左浸牛奶..浸完頭髮真係滑左好多ga~~我都成日去浸~~

快點到九月中啦...等我ge頭髮長番就可以去電ga啦...不過最驚到時未長得番..

宜家直頭髮真係覺得唔係好適合自己...又短wow...

唉...星期五又要番工啦..講真我好驚到時果度ge同事會唔好..最驚有是非..

希望無事啦..不過我又驚得罪人wow..希望佢地唔好嫉妒我ge美啦..keke

總之都係果句啦..大家和氣生財就ok~~

今日就打住咁多先啦~~期待各位ge回覆..您地ge回覆就係我ge動力~~~

唉...終於考完試啦..不過壓力都係好大...

因為真係好驚fail finance,,statistic同computer,,

fail ge話都唔知點算好..希望得啦..

近排,,我已經無再賭錢啦...宜家改左行玩釣蝦...真係好好玩ga...

不過真係好貴..睇黎都要戒下先得...

其實我已經幾日無打blog架啦...

因為我發覺好似無咩人睇我ge blog..

所以都好唔開心...不過真係好多謝mandy您ge鼓勵..好多謝您咁支持我...

以後我日日都會打blog..就算只係剩番一個人睇...為左您,,我都會打...

今日出左japanese ge result啦...比上個sem進左15分,,我已經好開心..

快點出埋finance同statistic ge result啦...等ge感覺真係好難受..

唉...明天又要一早起身..因為要去攞行為紙交比金沙...

講真..其實真係想休息一下ga..辭左wynn一星期都無..sands就請左我...

原本仲打算休息番一頭半個月先再做野...不過都好ge..

係人事部做野..又有得坐..又有冷氣歎..好過係永利又熱又企係太陽底下...

人工都係一樣姐~~keke~~~不過真係好驚到時人際關係又會好複雜..希望無事啦..

明天一早攞完輪行為紙ge籌仲要同michael去第二次面試,,希望佢會成功啦...

唉...之後打算去wynn攪埋正式辭職ge手續..

唔知佢會唔會明天出埋果幾日ge糧比我呢..係就好啦..

不過我諗佢都唔會..肯定唔知幾耐先出番比我..我真係命苦...

講下講下,,,黑沙渡假屋到宜家都仲未出由一月到宜家ge糧比我地...真係無眼睇..

唔好拖我糧啦~~~成六個月啦..都唔出糧..想點wow....

明天得ge話我都想去按下摩,,,因為呢排exam真係好累

宜家我ge頭髮短左成20cm,,,真係好樣衰...快點長番啦~~好唔開心..

宜家都要訓啦~~唔係明天起唔到身就死得啦~~~

唉,,,今日一早去CTM面試,,,我又遲到...

我成世人都係咁GA,,永遠都唔會準時,,除左食野之外就咩都遲.....

不過我遲到都係有原因ge...因為我琴晚溫日文溫到4點先

所以一早就當然起唔到身啦...keke
去interview ge時候..一開始佢叫我打字...打完中又打英文..

不過都no problem...因為可以打速成..keke..

之後叫我答d英文選擇題...我諗都okay ge~~因為都幾easy...

不過最煩就係個面試,,我覺得in我果個人好似唔多like我咁....

希望ctm請我啦....因為我真係好想做office a...

永利果邊我都辭職啦...因為真係好辛苦...

今日a sam生日...真係好好笑...

佢就好似個傻仔咁比我厄左佢上study room~~keke~~

之後就同suety..stephen..michael一齊食旦糕~~

sam~~睇下您女朋友對您幾好..去左美國千祈唔好攪攪陣~~~我地會等您番黎ga~加油

今日去賭錢又輸左五百蚊...我好唔開心...

不過我唔開心唔係因為錢...而係因為您....

我想您明白我ge感受....我都係想您好....

後日要考finance....真係幾驚...

明天一定要加緊努力溫習...

仲有最後3科~~~~比心機~~

考完試就要開始去學私家車啦~~~

宜家打陣機先~之後就打辭職信~~~再見啦~~~永利~~~keke~~~

剛剛一番屋企,,,諗住即刻上網打日記啦..

點知...上黎上去都唔得...咁我就即刻打去ctm ge hotline問啦...

足足攪左成個幾鐘....宜家唔知點解無端端又上得番啦...真係好采...

因為上網係宜家呢個時期真係好重要..exam呀~~咩都要上網down~~

上唔到網就會好麻煩架啦..嚇左我一大餐...

電腦a~~電腦a~~我愛您a~~唔好再有事啦...

今日exam完之後...我去左食我最愛ge粉腸魚旦米~真係好好味~~

係自己一個食緊米粉ge同時~老闆行過黎同我講話點解自己一個ge..男朋友呢..

我話佢番緊工,,我覺得好得意...因為次次我去其他地方食親野...

一定會有人問我男朋友呢..唔黎ge,,,如果有一日我同我男朋友分左手...

而佢地又問我呢個問題...我應該點答~~keke

之後我仲買左杯蒟蒻珍珠奶~~好開心~~

今日考果科成績應該唔會太好...不過我諗應該唔會唔合格ge,,,keke

明天果科我就真係好想死...日文a!!!!我好多都唔識...今晚都唔知點算...

明天一早又要去ctm做interview,都未知著咩衫好,今晚一定要早點訓...

唔係唔夠訓去interview嚇死人就唔好啦...

但日文唔溫又真係唔會識,,,唉,,,點算a..

其實呢排真係好心寒,,我覺得宜家有些人真係好衰...係好假先真..

大家都係平等,,點解要咁假?大家互相幫忙唔得咩?

係呀...我講緊您a..唔好再笑笑口咁對住我...其實所有人都知道您ge真面目..

只係唔想拆穿您...我真係唔明白您..點解您成日都睇唔起人ge?

但其實事實係全部人都睇唔起您...您總有一日會惡有惡報...

好似您咁惡毒ge人真係好難得..真係極品...全部人都比您講過晒..

對住人就懶係朋友咁...背住人就講到人死咁制...

有點口德啦您..成日話人咩話人咩..又唔諗下自己咩條件...

您好似李嘉欣咁靚ge話都算..自己又成個侏儒咁...

您唔講我仲以為您先天有殘疾ga!!!

我宜家都要去食飯先啦....

今日原本好嬲心情都唔...係太好架啦...

不過睇到MAYMAY您ge回覆..心情真係好左好多..

至少我知道仲有人會睇我打ge野~~

唉..我琴日話溫習...溫到宜家都咩都未溫過...我真係成世人都係咁..

原來maymay同sam怪都有去賭錢ge~~keke~~您地輸定嬴呀~~

不過經過今日我諗我以後都唔會賭lu~~

因為賭錢其實真係唔係太好..好似我今日係賭場嬲左michael一樣...

我覺得賭錢唔一定係有害..但今日佢比我見到佢個樣就好似死賭仔咁...

我叫極佢都唔肯走...成個比賭鬼上左身咁....真係超興....

佢仲成日話我小器...我唔覺得我係個小器ge人...又話我無理取鬧...

至於我ge爛面...宜家都好左少少ga啦...我諗唔關用ge粉底事..

可能係前排日日唔夠訓..加上又有壓力啦...

因為finance,,,statistics同computer ge成績唔好...

真係想死...finance同statistic都係要計數...

computer仲衰...學唔知咩黎ge information system...上完堂都唔知佢up咩...

may~~您記唔記得有一晚我地去買糖水...之後好似有個女人尖左我地隊...

之後您好大聲咁講左一句"屌"...超好笑..之後個女人幾驚咁望住您~~ke

今日收到個電話...都幾開心..係CTM打黎ga~~佢唔係叫我交電話費...

佢係叫我去interview purchasing department ge part-time文員位...

雖然CTM唔係特別高人工..不過勝左有冷氣,,,又有得坐..但interview要去氹仔..

唔駛好似係永利咁...企到腳斷...又熱到喊...

希望佢會請我啦..雖然我呢個天才唔愁無人請(keke)..但係都幾想做ctm..

因為做文員都係第一次...之前都係做front office ge工..

宜家可以試下坐下office..keke~

後日就要interview啦..希望爛面快d好啦..唔係人地唔請我啦~~

雖然化妝係遮到..但係咁熱..唔係要我咁濃妝去interview呀~~

哇...宜家都成五點幾啦~要快點溫習啦~~~

成日都係咁,,小小野就話我......

都弱智ga,,又唔諗下係您地自己問題...

無端端拎左我d衫去洗,,之後又洗到全部變晒樣,,都算啦..我唔出聲...

一日到黑都係到話我呢樣話我果樣...我一向都係咁架啦...

自己心情唔好又搵我出氣....都幾十歲人啦...都有病架...

我都已經心情唔好架啦...又爛面又考試...仲要比您地話....

我咁大個人做咩自己有分數....唔駛講野講到咁難聽...

又話我行路到行得似舞女....係度引麻甩佬..咩意思呀...

我都算乖架啦,,,仲日日係度嘈...宜家欠左您地呀...

我都好唔開心架啦...考試又大壓力...成績又唔好..仲要爛面...

唉..好煩呀...以後您地都唔好掂我的衫!!!

死啦...到宜家我都未溫過習...不過真係好唔開心...又煩

塊面都爛左成個星期都未好..我咩心情都無..

不過唯一開心我是我的頭髮長左少少啦.,我諗我應該九月或者十月就會電番卷髮..

宜家真係要溫習啦...一定要好成績...

MICHAEL宜家一定食緊野啦...唔知佢食緊咩呢...有點掛住佢呀~~

呢排正值考試期間...真係好累好累...

雖然我無點努力溫習...不過可能點都會有點壓力...

因為今個SEM有三科我成績都唔係太好...唉

我好驚會FAIL....希望唔會啦..

死啦,,,宜家又有點眼訓TIM..

唔得...都係比心機溫左習先...

因為今晚又要同玲B耀B食飯.

比心機啦..KELLY

好想快點考完試,,之後可以日日做咩都得....

不過我最近沉迷左賭博,,成日都要入賭場玩幾手...

睇黎我都要忍下先得啦,,,因為其實賭錢真係唔係太好...

我最驚就係連MICHAEL都沉迷,,不過好采,,我地暫時到宜家都仲係嬴緊錢...

宜家都唔知咩事,,塊面生左超多粒粒..好核突呀..影響左我心情

希望快點好番就好啦..

我宜家都要溫下習先~明天再打過..